Kryeministri Hristijan Mickoski sot në Budapest ka realizuar një takim me presidentin francez, Emanuel Macron, pas të cilit ka dhënë mesazh optimist për procesin eurointegrues të vendit.
“Në margjinat e eventit të Komunitetit Politik Evropian në Budapest, pata një takim produktiv me presidentin francez, Emmanuel Macron.
Diskutuam hapur për zhbllokimin e rrugës së Maqedonisë drejt Bashkimit Evropian. Unë jam optimist për të ardhmen tonë, ne luftojmë për argumentet tona dhe të vërtetën që është e pashmangshme.
Ne do të bëjmë çmos për të ruajtur interesat shtetërore dhe kombëtare”, ka thënë Mickoski pas takimit.
